Compostela, 2 de xuño do 2020 – Os nosos maiores foron un dos maiores grupos de risco en esta pandemia e as residencias, en algún caso, un foco de contaxio e de problemas.
Falamos con Javier Quián, voceiro dos familiares da residencia Domus Vi San Lázaro, unha das que máis afectados tivo e que segue a día de hoxe sendo investigada. Unha residencia privada, aínda que con concertos coa Xunta de Galicia, e na que o número de afectados foi moi superior ao doutras institucións de este tipo
Todo comezou cando un dos usuarios é diagnosticado de Covid19 no CHUS é devolto a residencia, alí no canto de illalo o trasladan a unha planta onde contaxia ao resto
Pero a crise do Coronavirus non serviu máis que de detonante dunha situación que xa era mala e que xa motivara queixas dos familiares e dos traballadores anteriormente
Este tipo de institucións teñen unha normativa moi esixente sobre como actuar a diario e no caso dunha crise sanitaria, no caso de Domus Vi non se cumpriron
Na actualidade a fiscalía está investigando todo o sucedido, Javier Quián pensa que a neglixencia é clara
Queda tamén por determinar cal foi o criterio da administración autonómica para decidir que residencias eran intervidas e cales non, os familiares explican que desde a Xunta nunca recibiron resposta as súas demandas
Javier Quián destaca o traballo do persoal da residencia e do Sergas; fixeron todo o que puideron cos medios que tiñan e, desde o seu punto de vista, é moi loable porque estiveron xogándose a vida por atender aos seus familiares-
A sociedade no seu conxunto ten que reflexionar sobre o trato que se lle da aos maiores. Hai moitas circunstancias para que unha persoa acabe os seus días nunha residencia e debería ter garantida unha praza, ao marxe dos seus ingresos, e uns coidados dignos. É a enésima cuestión sobre a que a crise do Coronavirus nos debería facer reflexionar.