A infancia de Rosalía de Castro chega ao teatro da man de Culturactiva

0

Compostela, 22 de xaneiro do 2020 – A productora Culturactiva estreará en febreiro Rosalía, a primeira obra de teatro centrada na infancia da poetisa padronesa.

Rosalía está protagonizada por Cristina Collazo e Rocío González baixo a dirección de Fina Calleja. A obra, destinada ao público infantil, recrea a vida da escritora nun dos seus momentos de cambio fundamentais para a súa vida, o traslado desde Padrón a Santiago de Compostela. A obra adéntrase na infancia dunha nena fantasiosa e rebelde que imaxina o mundo e pon a xogar as palabras.

Un momento nos ensaios de Rosalía

Un momento nos ensaios de Rosalía

Rosalía ten que deixar a aldea e marchar para Santiago de Compostela. É un cambio difícil para quen disfruta coa vida natural, para unha nena afeita a vivir poñendo a xogar as palabras e inventando mundos e ditos. É unha nena e xa está preparada para marchar, ten os baúles preparados, pero ela non está convencida da decisión.

A peza ten como vocación rescatar para o público máis novo a infancia da escritora, explicando o seu carácter como unha nena creativa, inconformista, lectora, activa e rebelde ás cousas que considera que non son xustas. Valores que forman parte da obra de Rosalía de Castro e que a rapazada só pode chegar desde a súa explicación adulta. A poesía, a música e a creatividade da nena que será unha das grandes escritoras universais son os argumentos da peza para que os espectadores e as espectadoras novas se acheguen á biografía e a Rosalía sen deixar o carácter infantil: xogos de palabras, música popular e o cambio de vida que a protagonista terá que facer como paso dunha etapa a outra da súa vida. Un cambio que na obra ten como reflexo unha grande parte de diversión e outra de transmitir as sensacións da protagonista coas que os rapaces de entre nove e doce anos poden sentirse identificados.

Un momento nos ensaios de Rosalía

Un momento nos ensaios de Rosalía

Unha equipa feminina

Desde a mesmo momento da concepción da obra, a intención é conseguir unha “Rosalía” atractiva para as nenas e nenos e ao mesmo tempo darlles algunhas chaves para ir achegándose á súa vida infantil. Tamén se trata na obra de ver como a influencia da vida cando nena ten na obra da escritora á que as espectadores e espectadores coñecerán no futuro.

Rocío González participa en Rosalía

Rocío González

Culturactiva puxo en marcha unha equipa de traballo completamente feminina, coñecedora da obra de Rosalía de Castro e experta nas montaxes de teatro infantil. O texto da escritora e actriz Nate Borrajo nace do coñecemento de Rosalía de Castro como autora e da maneira en que unha actriz pode sacar adiante ese papel entre a fantasía e a realidade. A directora da obra, Fina Calleja, ten dirixido para Sarabela algunhas das producións fundamentais da compañía ourensá para público novo. O elenco está formado por Cristina Collazo, que asumirá o papel de Rosalía nena e de Rocío González, que asumirá dous papeis, un como amiga de xogos da protagonista e outro como a súa principal coidadora. As dúas actrices teñen unha longa traxectoria na escena galega e tamén no seu audiovisual.

Cristina Collazo participa en Rosalía

Cristina Collazo

Fina Calleja directora de Rosalía

Fina Calleja directora de Rosalía

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial