Compostela, 18 de decembro do 2019 – Manitas crocantes de Casa dos Xacobes foi a tapa mellor valorada do Santiago é Tapas e representará a cidade no concurso De Tapas por Galicia no que compiten os gañadores das sete grandes cidades da comunidade.
Manitas Crocantes foi a que acadou a maior puntuación ao gañar, na categoría tradicional, tanto o premio do público como o do xurado do santiago é Tapas. No caso das tapas creativas o premio do público foi para Lacon con Grelos de Artesana. Os premios do xurado foron os seguintes:
Segundo Premio á Tapa Creativa Santiago(é)Tapas 2019, dotado cun diploma, unha figura e 500 euros, para ‘Coci-Dillo’, de Xuntanza.
Segundo Premio á Tapa Tradicional Santiago(é)Tapas 2019, dotado cun diploma, unha figura e 500 euros, para ‘Mexillón viaxeiro’, de A Viaxe.
Primeiro Premio á Tapa Creativa Santiago(é)Tapas 2019, dotado cun diploma, unha figura e 1.000 euros, para ‘Criollo marino’, de O Ferro.
Primeiro Premio á Tapa Tradicional Santiago(é)Tapas 2019, dotado cun diploma, unha figura e 1.000 euros, para ‘Manitas crocantes’, de Casa dos Xacobes.
Ademais otorgouse un premio a mellor maridaxe con Mahou que recibe un diploma, unha figura, 500 euros en produto e un showcooking nun evento Mahou. O gañador foi a ‘Empanada líquida de bonito de Burela’, de Lume.
Santiago é Cóctel
Onte entregáronse tamén os premios do Santiago é Cóctel na súa primeira edición. os gañadores foron:
Premio ao cóctel clásico Santiago(é)Cóctel 2019, dotado cunha cocteleira, un diploma e 500 euros, para ‘Expreso Martini’, de A Carrilana.
Premio ao cóctel creativo Santiago(é)Cóctel 2019, dotado cunha cocteleira, un diploma e 500 euros, para ‘A kind of magic’, de Pub Atlántico.
Unha noite no CGAC
O salón de actos do CGAC (Centro Galego de Arte Contemporánea) acolleu a gala de entrega de premios. O acto foi conducido polo actor Federico Pérez, perante dunha nutrida representación da hostalaría compostelá. Tamén asistiron o alcalde, Xosé Sánchez Bugallo; o concelleiro de Turismo, Sindo Guinarte; e outros membros da Corporación municipal, así como a presidenta da Asociación Hostalaría Compostela, Sara Santos, e outros membros da súa directiva.
En total, durante os quince días que duraron os concursos repartíronse máis de 30.000 tapas e 2.000 cócteles. En canto a votos do público, contabilizáronse 20.000 válidos.
Ademais dos galardóns, os chefs dos dez locais que participaron na final do concurso celebrada do 6 ao 8 de decembro, recibiron como agasallo un mandil oficial do XII Santiago(é)Tapas. Estes foron: A Maceta, A Viaxe, ACDC, Artesana, Bar Suso, Casa dos Xacobes, La Bodeguilla de Santa Marta, Lume, O Ferro e Xuntanza.
O XII Santiago(é)Tapas, o concurso de tapas de Santiago no que participaron 109 petiscos, é un evento promovido por Turismo de Santiago, organizado pola Asociación Hostelería Compostela, co apoio da Deputación de A Coruña, e o patrocinio de Mahou. Tamén colaboraron Cash Record, Coca Cola, Finca Viñoa e Aceites Abril, o aceite oficial do concurso; así como o festival de cine Cineuropa, a Asociación de Celíacos de Galicia, o movemento Slow Food e Utimaq.
O I Santiago(é)Cóctel é un concurso organizado pola Asociación Hostelería Compostela, que nesta primeira edición contou con 25 cócteles participantes.
