Borja e Matías son os dous propietarios do Bellaco. Levan media vida dedicada á hostalería aínda que atesoran experiencias distintas, un máis na parte de restauración e outro na de hotelería.
Hai mais dun ano que decidiron iniciar o seu propio proxecto e cando Bellaco comezaba a funcionar, no mes de novembro pasado, comezouse a escoitar algo sobre un virus en China. De súpeto, en marzo, todo mudou menos a vontade dos dous amigos de, en canto fose posible, reabrir o local.
De esquerda a dereita Matías e Borja
Retomamos con eles as entrevistas presenciais, mantendo as distancias e as medidas de hixiene necesarias, e preguntando en primeiro lugar de onde veñen. Escoitamos, por ese orde, a Borja e Matías
A crise do Covid19 obrigou a todo o mundo a cambiar o xeito de traballar, Bellaco non é unha excepción e comezou a dar comidas a domicilio e recoller como xeito de reiniciar a actividade
O que explica Matías de xeito tan sinxelo esconde un cambio que afecta á filosofía do local. Investiron moitos recursos para que a experiencia en sala fora moi boa e iso tivo que pasar a un segundo plano. Con todo, tal e como conta Borja, procuraron que o se levaban os clientes mantivera o espíritu
Un mural adicado ao cine recibe aos clientes
O local do Bellaco ten a súa propia historia. Está situado na rúa Concepción Arenal, un lugar con vida propia no que en pouco metros reúnense unha sala de concertos, A Capitol; unha librería con cine, Numax; unha tenda de animais que aínda que agora pertence a unha cadea leva máis de 20 anos alí; e agora este novo restaurante. O espazo se adaptaba tanto ao que buscaban que un ano antes de abrir xa se fixeron con el
arroz con polbo
Non hai artificios na oferta gastronómica, a proximidade da praza de abastos marca unha carta moi completa pero que só é unha parte dunha experiencia que se completa con viños, cervexas ou café
Cocochas
Bellaco súmase a unha serie de locais entre nos que sempre atopamos honestidade, de feito a resposta sobre a visión que teñen da gastronomía en Santiago e sempre parecida: unha competencia sana
Tartar de atún
O principal problema está no que o cliente está disposta a gastar en alimentación. Algo que terá que cambiar co tempo pero que ten que ver tamén con campañas institucionais nas que se fomenta a idea dunha gastronomía barata e abundante
Borja e Matías teñen un longo camiño andado pero un aínda máis longo por diante. É doado ver que o Bellaco e o seu sono e que están dispostos a defendelo e mimalo. Son a guinda dunha zona da cidade que nos últimos anos converteuse por dereito propio un lugar que visitar así que agora tedes unha razón máis.
