Compostela, 5 de novembro do 2019 – O histórico Café Casino de Santiago aposta unha vez máis pola cultura en Compostela, patrocinando a segunda edición do Premio Compostela Ilustrada.
O Encontro Internacional de Cadernos de Viaxe Compostela Ilustrada celebra a súa cuarta edición entre o 7 e o 10 de novembro. Entre as súas múltiples actividades destaca o Premio Compostela Ilustrada cunha dotación económica de 300 euros e que está aberto a todos os rexistrados no encontro.
A temática deste ano será a Rúa do Vilar, e os participantes debuxarán este enclave durante a tarde do xoves 7 de novembro. Compostela Ilustrada xa se asentou na cidade atraendo a todo tipo de debuxantes nacionais e internacionais durante segunda fin de semana do mes de novembro.
A inauguración do evento realizarase este xoves á unha da tarde, no Museo dás Peregrinacións, coa exposición “Simplemente Santiago” do ilustrador Joaquín González Dorao, con máis de 100 ilustracións da cidade. A partir dese momento as actividades non pararán ata o domingo ao mediodía, entre elas, charlas, presentacións de libros, concerto, noites gastronómicas, workshops, ou obradoiros de rúa entre outras moitas.
O prazo de matrícula para participar nos workshops aínda esta aberto no seguinte enlace https://compostelailustrada.com/gal/matricula.
