Compostela, 16 de outubro do 2019 – O voceiro do Grupo Municipal Popular, Alejandro Sánchez-Brunete, ofreceu presentou unha proposta para a elaboración dun Plan Municipal Integral contra o ruído nocturno na cidade.
Os principais obxectivos de este plan contra o ruído é diagnosticar as causas e paliar os seus efectos. Un problema que a xuizo do concelleiro “non é un problema máis, é un problema maior que afecta aos dereitos fundamentais de non poucos veciños. Afecta ao dereito a inviolabilidade acústica dos domicilios, a saúde e ao dereito a propiedade toda vez que o ruído nocturno produce tamén unha desvalorización das vivendas”..
Tres áreas de traballo
O Plan incluiría medidas para coñecer o verdadeiro alcance do problema. Elaborar un rexistro de chamadas á Policía Local, enquisas anónimas para coñecer a verdadeira incidencia ou a elaboración dun Mapa de Ruídos e así como unha mellora na dotación de mecanismos de medición acústica son algunhas delas.
En segundo lugar, o Plan contería medidas para tratar as causas, como plans específicos de inspección e actuación; campañas de concienciación máis ambiciosas; revisión da normativa; tramitación preferente duns expedientes que afectan aos dereitos fundamentais e seguimento dos expedientes sancionadores.
Por último, o Plan incluirá a posibilidade de que a Administración asumise a súa responsabilidade patrimonial ou de que estableza bonificacións fiscais no I.B.I a vivendas desvalorizadas polo ruído nocturno.
Problema politicamente silenciado
Na súa intervención, o voceiro Popular destacou que o ruído nocturno leva anos politicamente silenciado en Santiago e, o Partido Popular quere ofrecer “unha voz para acalar o ruído e protexer á veciñanza”, xa que falamos de dramas como o dunha muller que se ten que medicar ou o dunha rapaza que ten que trasladar o seu colchón á cociña para poder durmir, posto que “o ruído xera un sufrimento silencioso, un sufrimento esquecido polos responsables municipais, e nós queremos que o Concello se lembre das persoas que o sofren”.
Como indicou o voceiro Popular, “non se trata dun asunto calquera, posto que afecta aos dereitos fundamentais como a inviolabilidade domiciliaria, á saúde e ao patrimonio das familias que vén como este problema desvaloriza as súas vivendas”.