Camiño Escena Norte, intercambio escénico do norte da península

0

Compostela, 7 de setembro do 2019 – Santiago acolleu a presentación de Camiño Escena Norte, proxecto de intercambio escénico con Euskadi, Asturias e Cantabria que traerá oito funcións a Galicia.

Camiño Escena Norte comezou o pasado día 2 cunha residencia, no Salón Teatro de Santiago, entre as compañías Urdime (Galicia) e El Callejón del Gato (Asturias) , que traballaron xuntas na coprodución dun espectáculo orientado á primeira infancia, que aúna a interpretación actoral, a manipulación e Títeres e obxectos.

Na presentación do programa estiveron presentes Belén Pichel, presidenta de Escena Galega, como promotora do proxecto; Xurxo Couto, deputado de Cultura da Deputación da Coruña; Juan Rivas, presidente do Consello Territorial da SGAE en Galicia; e Jacobo Sutil, director de AGADIC, alén das compañías implicadas.

O vindeiro 22 de setembro comezarán as funcións ao longo do Camiño Norte ata chegar a Santiago. Comeza ese día en Ribadeo, continúa en Mondoñedo, Lugo, Vilalba, Arzúa, Sobrado dos Monxes e remata en Compostela. Nestas localidades poderanse ver os espectáculos Ò Bojiganga de Teatro del Cuervo; Como ceniza blanca sobre una hoguera, de La Tejedora de Sueños; El viaje de Ulises, de Teatro Gorakada; La Novia del Viento, de Ábrego Producciones; Beatus, visiones del Apocalipsis, de Espacio Espiral; e Sagartu de Hika Teatroa. Todos de libre acceso ata completar aforo.

Mentres en Galicia poderemos ver estes espectáculos astures, cántabros e vascos, dúas compañías galegas amosarán as súas últimas producións nestes territorios: elas son Baobab Teatro, con Luppo, e A Panadaría, con Elisa e Marcela.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial