Compostela, 16 de marzo do 2020 – A Xunta de Confrarías da Semana Santa de Santiago de Compostela reuniuse de forma extraordinaria este domingo e adoptou a decisión de suspender a Semana Santa en Santiago.
A Semana Santa estaba prevista que se celebrara do 3 ao 19 de abril. As Cofrarías decidiron suspender todos os desfiles procesionais e os actos vinculados a Semana Santa 2020.
No seu comunicado explican que “Sendo unha decisión triste e dolorosa despois dun ano de traballo, tivémonos que poñer no lugar dos nosos Confrades, familiares e amigos. Tivemos que ser xenerosos e comprensivos #ante a situación na que se atopa o noso país respecto ao Corvid_19”.
A Xunta de Confrarías engade que “Falando en nome das 13 Confrarías, quixésemos informar que, desde mañá mesmo (por hoxe luns), comezaremos a traballar na Semana Santa 2021, que será un ano especial pola celebración do Ano Santo da nosa cidade”.
Tamén aproveitan para dar as grazas a todos os que de calquera xeito colaboraron na organización. Rematan dicindo que “Xa, por último, sumándonos ás palabras do noso presidente, quixésemos trasladar
que o único que non se poderá suspender é a nosa penitencia interior, que debe prevalecer por encima de todo. A Semana Santa non soamente é ver un paso nas nosas rúas, se non que conmemoramos a paixón, morte e resurrección de Jesús. Iso, non se poderá suspender”.
