A Unidade de Tabaquismo da USC inicia un novo curso

0

Compostela, 1 de outubro do 2019 –  A Unidade de Tabaquismo e Trastornos Aditivos da USC desenvolve unha nova campaña dos seus tratamentos de apoio a persoas que desexan deixar de fumar.

Son tratamentos en grupo e con carácter gratuíto. As persoas que desexen participar neles deberán contactar coa Unidade de Tabaquismo da Facultade de Psicoloxía a través do teléfono 881 813 939 ou tamén a través da web www.usc.es/gl/servizos/tabaquismo.

Segundos os datos da Unidade, unha de catro persoas adulta fuma diariamente. Os responsables deste servizo sinalan cinco motivos para animar a unha persoa fumadora a abandonar este hábito: saúde, cartos, familiar e amizades, benestar psicolóxico e satisfacción e autocontrol.

Respecto do primeiro, dende a Facultade de Psicoloxía lembran que en Galicia, cada mes morren 300 persoas prematuramente a causa de fumar cigarros e a cifra ascende a varios miles ao falar de enfermidades producidas directamente polo tabaco. En termos de aforro, un/ha fumador/a dun paquete diario pode chegar a aforrar en dez anos arredor de 15.000 euros deixando o tabaco.

tabaquismoNo terreo psicolóxico, dende a Unidade de Tabaquismo e Trastornos Aditivos sinalan que as persoas que deixan de fumar, ao contrario de que se podería pensar, melloran nos seus niveis de estres, ansiedade e estado de ánimo conforme pasa o tempo. Ademais, as persoas que se dan conta de que son “dependentes da nicotina que contén tabaco queren romper con esa especie de escravitude”, explica o director da Unidade, o profesor Elisardo Becoña. Cando as persoas conseguen o seu obxectivo “senten satisfacción consigo mesmas e saben que son donas dos seus actos e que a nicotina xa non lles obriga a fumar”. Como lembra o profesor Becoña, “o intento vale a pensa. Deixalo, moito más”.

Traxectoria da Unidade

A Unidade de Tabaquismo e Trastornos Aditivos da Facultade de Psicoloxía da USC comezou a súa actividade en 1984 cando o profesor Elisardo Becoña comeza a tratar fumadores con distintas técnicas psicolóxicas.  Así xurde o ‘Programa para deixar de fumar’, convertido xa nun referente nacional e internacional no tratamento psicolóxico cognitivo-condutual para deixar de fumar. Neste tres décadas, pasaron polo programa preto de 14.000 fumadores e tense ampliado o programa de intervención a outras adiccións.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial