Compostela, 16 de xaneiro do 2019 – A Gentalha do Pichel segue adiante coa teima de crear un local de ensaio e como xeito de recadar fondos organiza un concerto de Os Novos e Tecor Societário o próximo sábado.
Non é o único xeito de colaborar xa que no bar do centro social teñen dous petos onde pode deixar todo o mundo as colaboracións que consideren oportunas. Como prato forte, de esta campaña para crear un local de ensaio, está o concerto do sábado con Os Novos e Tecor Societário a partir das dez da noite. Como non podía ser doutro xeito terá lugar no C. S. O Pichel en Santa Clara, nº 21.
Tecor Societário é um grupo de punk folk que mestura sons populares e instrumentos tradicionais galegos con ritmos do punk, combinando voz, gaita, mandolina e acordeon con guitarra, baixo e batería.
Em 2018 publicaron o seu primeiro EP, un disco con 3 temas que está pendurado no canal de youtube do grupo e tamén editado em formato físico.
Os Novos é un trio de Compostela que nos últimos tempos anda a experimentar o formato acústico, chegando ao palco con guitarra, baixo acústico e unha pandeireta facendo as labores da batería, incluíndo às veces mandolina e banjolele. Con este mini-set defenden o seu repertorio de temas propios e versións de punk e rock’n’roll con espírito country e bluegrass, ao que ultimamente se referen como “punkgrass”.
Con este formato gravaron un single 7” intitulado “Assalto Acústico” no que colaboraron Caxade (acordeon) e a Ukestra do Medio (ukuleles, caixón e coros).