Ordes, 18 de Nadal do 2017 – O escenario da Casa da Cultura encheuse coa canteira de novas promesas musicais de Ordes na gala de Nadal da Escola de Música.
Os alumnos da Escola Municipal de Música ofreceron o concerto, ante a atenta mirada de pais, nais, familiares e amigos que acudiron ao auditorio.
No espectáculo participaron arredor de 100 persoas pertencentes aos grupos de música e movemento, piano, guitarra, percusión e o coro da escola. Para completar o programa tamén estiveron os grupos de combo rock e combo jazz, así como os da banda xuvenil. Todos eles ofreceron un repertorio no que non faltaron as composicións típicas desta época do ano, ademais de versión de clásicos tradicionais como Carolina ou bandas sonoras cinematográficas como Mary Poppins.
Entre o público asistente puidéronse ver aos concelleiros de Cultura e Educación, José Manuel Mira e Susana García respectivamente.
