Ordes, 27 de setembro do 2017 – O Servizo de Normalización Lingüística da Mancomunidade de Ordes (SNL) anuncia a convocatoria dun novo curso de lingua galega.
O nivel de Lingua Galega que se impartirá será o básico, estando especialmente orientado a persoas estranxeiras ou aquelas que nunca realizaran estudos. O prazo de solicitude permanecerá aberto ata o vindeiro 11 de outubro. Para apuntarse basta con poñerse en contacto co SNL, situado nas oficinas da Mancomunidade de Ordes nos baixos da alameda.
O dito curso será gratuíto e impartirase os martes e xoves comprendidos entre o 17 de outubro e o 7 de decembro. O horario será de 10 a 12.30 horas e o lugar de realización escollerase en función do concello que rexistre máis solicitudes.