Cursos de dixitalización e defensa persoal para as mulleres da bisbarra

0

Bisbarra, 31 de maio do 2019 – Dous cursos enfocados as mulleres comezaran en breve na bisbarra; a Mancomunidade de Ordes presenta Dixitalizadas e o concello de Lousame organiza un de Defensa persoal e autocapacidades.

Defensa persoal

O “Curso de defensa persoal e autocapacidade para mulleres e mozas”, terá en Lousame tres sesións de adestramento físico e psíquico para saber como actuar ante diversas situacións problemáticas mediante técnicas de autodefensa. Unha iniciativa que terá lugar o luns 10, o mércores 12 e o xoves 13 de xuño, en horario de 19:30 a 22:00 horas, no polideportivo Pilar Barreiro Senra.

O curso será impartido por monitores/as especialistas en defensa persoal da Federación Galega de Loita e está dirixido tanto a mulleres adultas como a mozas menores de idade que, se non están acompañadas por unha adulta, deberán presentar unha autorización. A participación é totalmente gratuíta, se ben é preciso anotarse antes do 6 de xuño na Concellería de Igualdade de Lousame, no 981 820 494 ou no WhatsApp 689 126 385. 

Dixitalizadas

O CIM da Mancomunidade de Municipios da Comarca de Ordes está a tramitar as inscricións para formar parte dun novo taller de habilidades dixitais básicas. Dixitalizadas consiste nun programa para facilitar e potenciar a participación, empregabilidade e emprendemento das mulleres a través da adquisición de competencias dixitais e do uso de ferramentas tecnolóxicas. Sobresae tamén o obxectivo de reducir as brechas de xénero aumentando a influencia persoal e profesional das mulleres no eido rural.

A iniciativa está desenvolvida de maneira conxunta polas fundacións Cibervoluntarios, Mujeres e Google.org en colaboración cos ministerios de Sanidade, Servizos Sociais e Igualdade.

Calquera persoa interesada en asistir poderá inscribirse na oficina do CIM, situada nos baixos da alameda de Ordes, ou ben chamar ao 981680002. A día de hoxe as datas previstas para Ordes son o 10 e 17 de xuño, de 10 a 13 horas, na Casa da Cultura.

Para máis información tamén se pode consultar a páxina web www.digitalizadas.org.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial