[columns]
[column size=”1/3″]Estaría encantada de que os alumnos de políticas viñeran a Melide a facer prácticas pero somos pouco corporativistas[/column]
[column size=”1/3″]A morte do noso compañeiro foi un dos momentos máis duros que me tocou vivir, non a nivel político xa a nivel persoal, non llo desexo a ninguén[/column]
[column size=”1/3″]Falamos coa Universidade para que os mellores técnicos analicen porque o río Furelos non drena ben e trasladar a Augas de Galicia a necesidade de arranxalo[/column]
[/columns]
Dalia García, alcaldesa de Melide, e unha das persoas que mellor coñece as diferenzas entre a percepción da rúa do que fan os políticos e a realidade. Estudou políticas e, ata que accedeu ó posto de alcaldesa, combinou a labor como concelleira coa de dar clase na Universidade. Sabe tamén, por tanto, a diferenza entre a teórica e a práctica política.
Por todo o dito falar con ela e afondar na realidade da xestión política; non só coñece os problemas como alcaldesa, entende tamén as dificultades dos funcionarios e as areas burocráticas que volven máis lenta a administración. A primeira pregunta ten que ver con esa situación tan especial na que comproba a diario as dúas caras da moeda
Dou clases en xornalismo e administración pública e, como sucede en tantas áreas, recoñece que a práctica dos estudantes tería que ser máis cercana a realidade da administración
O percorrido dos últimos anos na vida política de Dalia García están cheos de momentos complexos. propios e alleos. Desde o 2011 ten responsabilidades xa que en aquela lexislatura entrou como concelleira de xuventude e comunicación. Nas seguintes eleccións, 2015, repetiu como concelleira e aos poucos meses a dimisión de Ánxeles Vázquez, que ocupou o cargo de Conselleira de Medio Rural, a sitúa como alcaldesa. A partir de ese momento todo comeza a facerse máis complicado. Os problemas internos do BNG fan que durante 6 meses as 3 actas nacionalistas estean sen ocupar ao dimitir tódolos compoñentes da lista. A morte dun concelleiro do seu grupo foi outro trago amargo para todo o equipo de goberno, un dos momentos máis duros da súa vida
Non se pode negar a fortaleza de Dalia. Muller, xoven e con pouca experiencia tiña todos os boletos para ser ninguneada. Non se esconde e tíralle das orellas incluso ao seu propio partido, no que recoñece que as veces saen demasiadas garabatas nas fotos, e reclama máis presenza da muller
Falamos de temas máis concretos. A autovía é unha necesidade para toda a comarca e a alcaldesa confía en que estará rematada no 2021 aínda que é consciente de que será necesario estar atentos e non deixar de reclamala
Os problemas de saneamento do polígono industrial é outro dos temas dos que se falan moito nos últimos meses. O ano pasado a condena a Socorro Cea, ex alcaldesa, por certificar, ante a Xunta de Galicia, a obra dunha depuradora no polígono industrial volvía a poñer enriba da mesa a necesidade dunha solución global para esa área. A normativa cando se impulsou o polígono non contemplaba un saneamento xeral e corre por conta de cada empresa desfacerse dos residuos. A solución que o actual equipo de goberno propón é conectalo á rede xeral
Outra das polémicas coas que tivo, ten, que xestionar Dalia García son os constantes informes de augas contaminadas no río Furelos. Coñece o tema en profundidade e as súas explicacións aclaran bastante cal é a situación e onde comezou o problema
Como é lóxico non chega con coñecer a situación e hai que propor solucións que, resulta evidente, que non serán doadas
A pasada semana (esta entrevista foi anterior) a alcaldesa firmaba no rexistro a cesión de terreos ao Sergas para a construción do novo centro médico. Chegar a este momento levou 10 anos de papeleo pero o resultado será o desexado xa que o novo edificio terá unha sola planta e mellorará notablemente o actual
En seis meses Dalia enfrontase por primeira vez a unhas eleccións sendo cabeza de lista. Di presentarse tranquila porque os seus obxectivos en esta lexislatura están nunha boa parte cumpridos pero advirte tamén de que está disposta a dar a batalla
O mellor dun político e que se lle entenda; pasaron os anos nos que a retórica era o mellor argumento. Dalia García non só sabe explicarse senón que coñece o que explica. Gústalle o que fai e nótase cando fala; iso sempre é bo para a veciñanza que, en pouco tempo, terá que decidir si confía en ela catro anos máis, si a obriga a negociar un goberno ou si a manda a oposición.