Ames, 26 de setembro do 2018 – O Partido Popular ven de denunciar unha subida dun 2,6% nas tarifas do Centro Deportivo Municipal A Telleira.
O PP explica que con esta actualización de prezos de A Telleira, que se levará a pleno esta semana, o incremento de prezos desde o inicio sitúase en torno ao 16,10%. A adxudicación da xestión, firmada no ano 2006, permite que as tarifas que percibe a empresa concesionaria en concepto de retribución polos servizos prestados sexan actualizadas conforme á variación que experimenta o IPC Galego, a pesar de que os servizos deportivos encádranse dentro do grupo de lecer e a cultura, que conta cun IPC específico. Si se aplicara este IPC, lecer e cultura, non existiría incremento ao ser negativo, un -0,70% para o período completo.
O Partido Popular nunha nota de prensa explica ademais as distintas subidas de impostos na lexislatura. Esta subidas déronse, según os populares, unhas veces porque o Tripartito modificou as regras de cálculo, como foi o caso dos cambios na tarificación do consumo da auga; e noutras, porque incrementa directamente o tributo en cuestión, como será esta subida.
O PP tamén lembra que o pasado 1 de marzo de 2018, cando apenas faltaban días para que vencese o contrato, acordouse unha terceira prórroga do mesmo polo prazo de cinco anos; prorrogándose, por tanto, nas mesmas condicións. O Grupo Municipal Popular de Ames manifestou os seus reserva sobre a necesidade de prorrogar a citada concesión, cualificando a proposta como precipitada e pouco reflexionada, entendendo que a xustificación para conceder dicha prorroga non era suficiente. Según os populares “Coa decisión de Prorrogar durante outros cinco anos a anterior concesión, o que fixo o Tripartito é manter durante cinco anos máis o sistema de actualización automática recollido polo artigo 22 do Prego de cláusulas administrativo da concesión; sistema inxusto, que entra en contradición coa Lei 2/2015, e que supón que todos os usuarios teñan que pagar máis pola utilización do servizo”.