A Estrada, 5 de agosto do 2018 – O Bloque Nacionalista de A Estrada denuncia as deficiencias da recollida de lixo no rural e o mal estado dos contedores.
Os nacionalistas acusan de falla de implicación do goberno coa veciñanza do rural e denuncian as deficiencias que segue habendo no servizo. En moitos puntos existen contedores amarelos o que impide unha recollida selectiva de residuos acorde aos estándares medioambientáis actuais. O BNG tamén explica que hai lugares e parroquias nas que os contedores están colocados nunha base de cemento, mentres que noutros sitios están deixados á deriva. A maioría non teñen ningún soporte que impida que con vento ou outras continxencias se despracen do sitio.
O Bloque resalta o caso dos veciños próximos a un establecemento hostaleiro que xera un problema de insalubridade con cada banquete que realiza porque o lixo que saca a porta non se recolle ata días despois.
O BNG insta ao equipo de goberno de solucionar estes problemas o antes posible.