Denuncian os cortes de luz do Val de Vea en A Estrada

0

A Estrada, 29 de xullo do 2018 – O Bloque Nacionalista Galego de A Estrada denuncia os continuos cortes de luz que ven sufrindo o Val de Vea nas dúas últimas semanas.

Os cortes sufridos producíronse os días 14 e 27 de xullo e tiveron unha duración de varias horas. Desde o BNG consideran inaceptábeis os continuos cortes de luz que sofren no Val de Vea porque non hai causa meteorolóxica aparente, que poida xustificalos. Para os nacionalistas isto demostra que o ocorrido no temporal de febreiro de 2017, non só foi debido ao temporal, senón posibelmente á anticuada infraestrutura eléctrica de Gas Natural Fenosa, agora Naturgy, “que debería investir máis cartos en mellorar as liñas, no canto de gastar tanto en propaganda”.

Dende o grupo nacionalista instan ao alcalde a facer as xestións necesarias coa empresa Fenosa para que arranxe este problemas pero tamén para que invista o necesario para que a veciñanza do Val de Vea non sufran cortes inxustificados.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies