Derrotas do Santiago Futsal en Manzanares e o Noia Portus Apostoli en Murcia

0

Bisbarra, 18 de marzo do 2019 – Mal fin de semana para o fútbol sala da bisbarra con derrotas do Santiago Futsal en Manzanares e o Noia ante o Pozo Ciudad de Murcia.

Santiago Futsal Manzanares FS

O Santiago  Futsal viaxaba a casa dun Manzanares  FS situado na cuarta praza da clasificación. Os locais chegaban metidos de cheo na loita polo  playoff e despois de dúas derrotas consecutivas contra o Real Betis  Futsal e Pescados Rubén Burela, os dous primeiros clasificados na competición. Os composteláns partían cunha vantaxe de 13 puntos sobre o descenso e a só 2 do  playoff, o que lles permitía afrontar o encontro coa ilusión de conseguir algo que recompensase todo o esforzo realizado ata a data.

O partido comezou de fronte para os visitantes cun gol de  Zequi no minuto 7. A desigualdade foi breve xa que o Manzanares  FS empatou aos dous minutos a través de Otero. Unha vez máis os de Santi Valladares adiantáronse no marcador, esta vez grazas a Alberto Mirás que finalizou un gran pase de  Zequi co tacón cando corría o minuto 14. A partir de aí os locais comezaron a apertar tendo ocasións a través de varias xogadas, unha delas estrelándose no pau despois de que Manu Diz disparase a porta.

Comezou a segunda parte cun 1-2 a favor dos celestes, pero xa no minuto 22 Otero volveu empatar o partido co seu segundo gol. O Manzanares  FS seguía buscando porta, ata que no minuto 29 Alberto  Blecua adiantounos por primeira vez no encontro tras unha boa  triangulación. A alegría duroulles pouco, xa que  Brian volveu igualar o electrónico en menos dun minuto.

O choque colleu intensidade co equipo local tomando a iniciativa, que conseguiu poñer o 4-3 definitivo a falta de só un minuto para o final cun gol de Pablo  Mel.

Noia Portus Apostoli Pozo Ciudad de Murcia

5-0 foi o resultado final do partido entre o Pozo Ciudad de Murcia e o Noia  Portus  Apostoli. Cunha nova derrota, complícaselle un pouco máis o obxectivo da permanencia aos galegos, pero mentres dean os números hai posibilidades e a primeira dela pasa polo Agustín  Mourís o vindeiro sábado.

As necesidades de puntuar eran distintas para ambos os conxuntos do mesmo xeito que o refacho na que están inmersos murcianos e galegos.

O patrón do primeiro tempo foi unha presión en primeira liña por parte dos galegos que dificultaba o avance dos  locais á vez que lograban o ataque por medio de balóns roubados creando ocasiones pero que, unha xornada máis, non lograrían materializar. As oportunidades de abrir o marcador sucedíanse para ambos os bloques, o conxunto galego fixo moitas cousas ben para merecer un gol pero as ocasións dos murcianos chegarían por medio de accións a balón parado e nunha destas xogadas foi como  Combarro abriu o marcador no minuto 18.

Despois do paso por vestiarios o escenario repetíase. Os noieses dominaban o xogo e os murcianos esperaban a que lles chegase a oportunidade sabendo da súa efectividade de fronte ao gol. O Noia  Portus  Apostoli tería unha ocasión de ouro para igualar o partido coa expulsión de  Cobarro, por dobre amarela, o que supoñería xogar en inferioridade numérica. Ante tal situación tentábao Pizarro cun tiro desde fóra da área que detén o gardameta local, Antonio. Pero a máis clara chegaría cunha boa xogada combinada dos galegos que Colorado non logra materializar. Corría o minuto 26.

Un minuto despois e de novo cunha xogada a balón parado chegaría o segundo para os mozos murcianos por unha falta de  Brais, que colle o balón fóra da súa área, e é Paniagua quen marca o segundo da tarde.  Co 2- 0 no marcador, os noieses non baixarían os brazos pero aínda así non foi suficiente para que un minuto despois chegase o terceiro tras o roubo do balón de  Shimizu na metade de pista que lla coloca a Isma para que bata a  Brais sen  titubear.

No 32 chegaría o 4º tanto  charcuteiro que nace dunha xogada de equipo desde propia pista e que define Cámara con contundencia. Tentárono os xogadores brancos pero de novo a sorte de fronte ao gol dáballes as costas. Non así aos murcianos que marcarían o quinto sendo nesta ocasión o executor  Josema.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial