Teo, 4 de setembro do 2018 – A Plataforma Casalonga Limpa de Residuos segue na loita e comeza o curso cun festival que desde o nome indica as intencións: Desplanta Sons.
As Festas do Carmelo, en Ameneiro, teñen un compoñente reivindicativo que se mostra desde o tradicional libro ata a programación. A ameaza da instalación dunha planta de tratamento de residuos a parroquia máis do que o podería facer calquera outra cousa. Boa mostra é o festival solidario Desplanta Sons que se celebrará este venres 7 a partir das oito e media da tarde. Será unha festa para todo o mundo con inchables gratuítos, o espectáculo do Capitán Garfo para os máis cativos e música de todos os estilos. Abrirán Son Elas para continuar co folk de Tres Pesos e Os D’Abaixo e rematar co metal de Deseqilibrio Mental e o rock dos John Derees.
A organización do festival fai fincapé na colaboración desinteresada dos grupos participantes, da Comisión de festas do Carmelo, da Plataforma Casalonga Limpa de Residuos, Deza Espectáculos (palco), RTA-Recursos Técnicos Artísticos (equipo de son), Iluminacións Souto, Infantilandia (inchable), Cantina de Midón e Cantina de Mambís, Fogar do Santiso.
Os grupos musicais O Capitán Garfo, Son Elas, Tres Pesos, Os D’Abaixo, Deseqilibrio Mental, Os John Derees. No apartado técnico Carlos Gandón, Vituco Neira, Fidel Vázquez, Juan Antepazo, Xurxo Piñeiro, Jose Manuel Piedra. E, sobre todo, ás veciñas e veciños de Calo.
A plataforma Casalonga Limpa de Residuos deixa constancia no libro de festas do Carmelo dos obxectivos “temos a esperanza de ser quen de enfrontarnos aos poderosos e impedir a construción da planta. Si o conseguimos teremos gañado a primeira batalla, mais non a guerra. A guerra so a gañaremos cando a canteira e a súa contorna, sexan quen sexan os propietarios, acompañen as nosas vidas no canto de ameazalas”.
Máis información en http://casalongalimpa.gal e no facebook Casalonga Limpa de Residuos