Compostela, 12 de agosto do 2018 – Catro concertos no domingo do Feito a Man que comezarán coa sesión vermú de Nice Pair na rúa Santo Agostiño.
O Feito a Man ofrece hoxe distintos tipos de rock que van do progresivo ao garaxe máis clásico. A primeira cita é as 13.30 con Nice Pair, na rúa Santo Agostiño, dúo acústico de versións integrado por Gonzalo Sende (Contrastes, Amordiscos, Los Fabulosos Weekend) e Alfonso Espiño (Espiño, Los Fabulosos Weekend, Los Chavales, Contrastes, Mega Purple Sex Toy Kit, Linces Pop). Ao calor das súas guitarras acústicas e voces, Sende e Espiño interpretan clásicos de Simon & Garfunkel, The Beatles, The Rolling Stones, The Small Faces, Tomorrow, Keith West, Pink Floyd, Os Mutantes, The Kinks ou The Who. O dúo formouse en Santiago en 1991 baixo o nome de Two of Us, que cambiaron por A Nice Pair recentemente debido á existencia de unha certa cantidade de dúos que ostentaban a mesma denominación. A súa especialidade son as harmonías vogais a dúas voces e o seu hábitat natural os pubs do casco histórico compostelán.
As oito da tarde a Praza dos Gatos recibe a Biribirlocke e as nove a Praza da Quintana terá como invitados a Arévalo & Giannetto, ambos grupos con estilos que van do rock ao pop.
A xornada remata en Tras Salomé con Los Ladridos as dez da noite. Los Ladridos é unha banda de garaxe e rock&roll enxendrada nas profundidades de Simes polos irmáns Lorre, G. King e Twin B no verán de 2017. A excelencia e clase das teclas mestúrase coa enerxía e actitude das cordas eléctricas e a contundencia garaxeira da percusión, dando como resultado un show dinámico e potente con algunha pincelada de soul a modo de respiro.
No día de onte o protagonista foi o swing como se puído ver no concerto de good Luck Charm Band