Eleccións Municipais 2019: A renuncia do alcalde de Trazo agocha a división do PP local

0

Trazo, 20 de marzo do 2019 – A inesperada renuncia á candidatura do alcalde de Trazo, José Dafonte, maquilla un PP local con varias divisións internas.

Xunto coa nova da renuncia a presentarse de novo a alcaldía de Trazo o aínda alcalde anunciaba este martes que sería a concelleira Josefina Suárez a cabeza de lista. No comunicado confirmábase a continuidade dos actuais concelleiros aínda que quedaban fora Emilio Varela e Manuel Pereiro.

Precisamente o concelleiro Pereiro publicaba unha nota o pasado día 14 no seu muro de Facebook. En ela anunciaba xa a súa dimisión como concelleiro “Estimados veciños de Trazo, por discrepancias con parte da Xunta de goberno Local que nos últimos tempos foron aumentando e que motivaron finalmente presentase a miña dimisión como concelleiro de deportes e xuventude deste Concello”. No comunicado agradecía a José Dafonte a oportunidade e aseguraba que “Isto non é unha despedida pero si a fin dun ciclo, pois creo nun Trazo con futuro e oportunidades a xeracións que vimos detrás”.

Según informacións recollidas por Lindeiros.gal Manuel Pereiro podería presentar nos próximos días a súa candidatura en outra lista. Falta por saber si o acompañará tamén Emilio Varela.

A ameaza dos xulgados

O actual alcalde José Dafonte levaba xubilado desde outubro do 2017. A ameaza da denuncia presentada polo Psoe por prevaricación e falsidade en documento público pesou sen duda na decisión de renunciar á alcaldía pero tamén os problemas e divisións internos do partido a nivel local.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial