Teo, 26 de xaneiro do 2018 – O BNG de Teo ven de reclamar unha enlace coa AP9 no concello e que a concesionaria pague o correspondente IBI.
Os nacionalistas explican que a AP9 é unha vía que non supón ningún beneficio malia atravesar todo o termo municipal. A concesionaria da AP9 só paga 5% do IBI que lle corresponde, por unha exención realizada no franquismo, e non ten nin entrada nin saída no concello.
En novembro de 2015, aprobouse unha moción na que se reclamaba ao Ministerio de Fomento a construción de vías de entrada e saída na autoestrada, como unha forma de repercutir na veciñanza do concello os efectos desta vía de alta capacidade, así como para liberar tránsito doutras vías como a N-550.
O BNG rexeita tamén a suba extraordinaria autorizada polo Goberno que se levará a cabo durante os próximos 3 anos, que para 2018 vai ser do 3,81% para todos os tramos da AP-9, e que vén representar o dobre do IPC.