Compostela, 9 de maio do 2018 – Os traballadores da Escola Municipal de Música de Santiago convocan unha folga indefinida a partir do luns 21 se non se garanten os postos de cara o vindeiro curso.
A convocatoria de folga prodúcese despois do peche no concello de Santiago que tivo lugar este martes pola maña. A apertura das propostas para xestionar a Escola daba como gañadora a unha empresa que na oferta non incluía a subrogación do persoal o que tería como consecuencia a perda dos postos de traballo, Rubén Fernández é secretario comarcal de CIG-ensino
O sindicalistas explica que o peche rematou as tres da tarde despois de que foran recibidos polo alcalde, Martiño Noriega, aínda que decidiron suspender os concertos “música e movemento” previstos para as tardes de onte e hoxe
Os traballadores reuniranse novamente o próximo mércores con Martiño Noriega que falara coa empresa para coñecer cales son as súas intencións
Son 24 traballadores os que se verían afectados pola non subrogación, en algúns caso cunha antigüidade de 15 anos. Desde CIG Ensino agardan que o concello atope unha solución que permita desbloquear o conflito a maior brevidade posible.