Bisbarra, 13 de outubro do 2020 – A incidencia do Covid nos centros educativos segue en aumenta na Área Sanitaria Santiago Barbanza e chegou aos 58 casos o sábado pasado.
O caso máis preocupantes é o da Escola Infantil da Madalena no Milladoiro, Ames, que ten cinco positivos por Covid e mantén dúas aulas pechadas. Son os últimos datos pola Consellería de Sanidade e corresponden ao pasado sábado.
A da Madalena é a que máis positivos ten na Área Sanitaria pero a seguen o Colexio de Ventín, en Ames, e La Salle e Cluny en Santiago, todos con 4 positivos e sen aulas pechadas. Con 3 casos está a infantil de Salgueiriños, tamén en Santiago, e cunha aula pechada.
Ademais de estes centros as Escolas Infantís Pontiñas de Lalín e municipal de Ribeira teñen un só positivo cada unha, pero teñen un aula pechada, e en Santiago o CEIP Lamas de Abad ten só 2 positivos pero ten tamén unha aula pechada.
Cifras en aumento
O casos de positivos por Covid na Área Sanitaria seguen crecendo e pasaron de 545 activos o pasado día 8, a 581 o pasado sábado e 597 o domingo.
A bisbarra
Na bisbarra de Compostela o caso máis preocupante, ademais de Santiago, é o de Ames que tiña como última cifra recoñecida 83 casos polo que si situaba xunto a Capital como os únicos concellos en alerta vermella.
Do resto a peor situación sería a de Porto do Son que está en nivel 2, entre 14 e 20 positivos acumulados nos últimos sete días, e Muros, Rianxo, e Ribeira con nivel 1, entre sete e catorce casos acumulados nos últimos sete días.
O resto da bisbarra estaría en verde xa que os casos acumulados na última semana non chegarían aos 7 que marcan o inicio do nivel 1.