Familias de Trazo reclaman unha marquesiña desde hai 9 meses

0

Trazo, 12 de decembro do 2018 – Familias de Viaño Grande en Trazo, levan desde marzo reclamando ao concello que repoña unha marquesiña caída a causa dos temporais, según denuncia o grupo socialista no concello.

Ademais das reclamacións directas dos afectados o grupo socialista levou a pleno unha iniciativa o pasado 28 de setembro para que o concello repuxera a marquesiña xa que o mobiliario urbano é competencia exclusiva da administración local.

A voceira socialista, Beatriz Domínguez, explica que “O alcalde comprometeuse no Pleno a aceleralo o máximo posible, pero o certo é que van xa nove meses e os nenos e nenas de Viaño Grande seguen tendo que estar baixo a choiva mentres agardan polo autobús do colexio. Ata onde vai chegar o desinterese do alcalde polos seus veciños e veciñas? faría o mesmo de seren os seus fillos ou netos os afectados por este tema?”.

Acusan ao alcalde de mentir

A voceira socialista lamenta que o alcalde intentara nas últimas semanas “escorrer o bulto e culpar á Deputación Provincial deste atraso, cando a reposición e mantemento do mobiliario urbano é unha competencia exclusiva do Concello. Os socialistas aseguran que o puideron comprobar durante un encontro con responsables políticos e técnicos de Obras e Servizos da Deputación Provincial, quen confirmaron que a reposición da marquesiña é competencia unicamente do Concello, por moito que estea emprazada nunha estrada provincial.

 “Unha vez máis, o alcalde minte á veciñanza e deixa patente a súa nula capacidade de xestión e a situación caótica á que está levando o noso concello”, apunta Domínguez Siaba, quen di que “parece incrible que, coas veces que o alcalde vai á Deputación, aínda non teña clara as súas funcións e competencias”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial