Ordes, 18 de maio do 2018 – Este vindeiro sábado a localidade do Mesón do Vento acollerá unha nova cita cunha das feiras de maior tradición da zona, a feira da Adina.
Na feira poderanse mercar todo tipo de produtos como roupa, calzado, ferraxería etc, ademais de alimentos ecolóxicos provenientes das hortas da zona e por suposto gando.
Pola súa banda, os establecementos da zona ofrecerán degustación de tapas con cada consumición. Para nenos e nenas de 6 a 10 anos instalarase unha pista móbil de kárting gratuíta de 11 a 13.30 e de 15 a 17 horas (sempre que non chova).