Compostela, 6 de agosto de 2017. Continúa o Feito a Man que este ano ten máis concertos e unha interesante programación internacional como o cubano Kamankola que chega esta tarde.
[columns]
[column size=”1/3″]A cita con kamankola será as oito da tarde na Praza de Feixoo. Este artista cubano mestura o rap coa canción. A súa música é unha fusión de xéneros que vai da rumba ao jazz e do rock and roll ao guaguancó. Tocou en moitos escenarios de Cuba e do estranxeiro e compartiu escenario con innumerables artistas de todo o mundo.[/column]
[column size=”2/3″][/column]
[/columns]
A seguinte cita e un encontro coas versións de bo nivel. As nove e cuarto na praza da Quintana estará Trifasic. Ana Lucía Fernández e os incombustibles leo Giannetto e Carlos Arévalo teñen un amplo abano de versións do mellor pop, funk, soul ou rock que van da década dos 60 ata os 80.
A xornada rematará cun pouco de jazz estilo libre baixo o curioso nome de Fritanga, será as dez e media da noite en Tras Salomé. Fritaga é un trío formado por Pablo Sax (saxos + electrónica), LAR Legido (batería e obxectos sonoros) e David Santos (baixo eléctrico), que practican un free jazz rabudo en base a liberdade na improvisación que o momento da mesma precisa, sen concesións, e abertos ao mesmo tempo a beleza dos silencios e os sons que a vida amosa. Fritanga é unha experiencia única e irrepetible.