Compostela, 15 de xullo do 2017 – Tras o pregón de Uxía as festas do Apóstolo comezan a espallarse por toda a cidade con moita música para este sábado.
A partir da una e media na praza de Cervantes estarán Andhrea and the Blanck Cats.
En Tras San Fiz de Solovio e ata as dez da noite desde as dúas Gruvzilla con diversos Djs.
Terra da Fraternidade
O Apóstolo inspírase no Womex para artellar un festival de world music, iso é Terra da Fraternidade que hoxe sábado, praza da Quintana desde as 22.00, presenta a Habelas Hainas e Selma Uamusse.
Habelas Hainas é un proxecto creado en 2009 por catro multiinstrumentistas que partindo da música tradicional, exploran eidos artísticos como a teatralidade e as artes plásticas e visuais facendo de cada espectáculo algo diferente e senlleiro, sempre dende unha ollada feminina e plural.
Selma Uamusse é unha nova intérprete mozambicana cuxa versatilidade, o seu poderoso instrumento vogal e a súa xenial performativa, levouna a brillar desde o rock (Wray 
Gunn) aoafrobeat (Cacique 97), aogospel, ao soul e ao jazz (Gospel Collective), tributos a Nina Simone e Miriam Makeba, enriquecendo a súa viaxe por diversos estilos. É cada vez máis consciente do poder transformador político e social da música.
A seguinte fraternidade no Apóstolo será mañá domingo con Adrián Costa & The Criers + Pat Thomas & Kwashibu Area Band.
