Silleda, 23 de outubro de 2017. O artista silledense José Antonio Fondevila García vén de doar á Biblioteca Municipal Daniel Castelao un exemplar de Universal Art, (Editorial Oliveras), un interesante catálogo que reúne a máis de 100 artistas entre os que se atopa o propio autor.
Fondevila, o autor silledense con máis proxección a día de hoxe, participa nesta publicación con 4 obras, da serie Espazo/Tempo: dúas pinturas con óleo (Existencia e Ausencia) e dúas esculturas (Camiños Cruzados e Espacio e Tiempo.
Esta obra non está á venda e só se pode atopar en galerías e museos de arte tanto de distintos puntos de España coma do extranxeiro.
A crítica de arte e musical Gemma Gregori recolle recolle nesta edición que a base da obra pictórica e escultórica de Fondevila “amalgama o categórico e o absoluto fronte ao ingrávido e o excelso”, destacando que as súas son obras “verdadeiramente plausibles” así como “interesantes abastraccións e aportacións ó seu reflexo imaxinativo”.
Dende a Concellería de Cultura Ana Luisa González agradeceu a Fondevila a doazón desta obra “que virá a complementar os fondos da biblioteca pública silledense” e destacou a valía artística do autor “cunha proxección que vai en aumento”, engade. A obra estará disponible ao público neste centro sumándose a outros exemplares relacionados co mundo das artes plásticas.