Fondos da Deputación para o campo de fútbol de Fontenla, en Santa Comba

0

Santa Comba, 8 de xaneiro do 2019 – A Deputación da Coruña, a través do Plan Único (POS+2018), financia con 417.765,79 euros as obras de remodelación e mellora do campo de fútbol de Fontenla, en Santa Comba.

A obra en Fontela supón o cambio do actual terreo de xogo, de herba natural, por un novo céspede sintético de última xeración.O novo espazo estará lastado con area e cargado con caucho, instalaranse novas redes de rego e drenaxe, cambiarase a conexión das torres de iluminación xa existentes á rede eléctrica do complexo e dotarase de novo equipamento deportivo (porterías de fútbol, banderíns, banquillos, etc.).

O novo terreo, de herba artificial de alta resistencia lastrada con area de sílice e caucho, terá unhas dimensións de 100 metros de longo por 60 de ancho, máis un espazo de 1,5 metros nas bandas laterais e 2,5 m. nos fondos. Contará con varanda de aluminio no perímetro e permitirá tanto a práctica do fútbol 11 coma do fútbol 7.

Os traballos inclúen ademais a construción dunha nova rede de drenaxe do campo con canaleta perimetral de formigón cuberta por rexilla de aceiro galvanizado e unha rede de rego con seis aspersores de alta presión controlada a distancia e programable.

Finalmente dotarase ao campo de novo equipamento deportivo con porterías regulamentarias para fútbol 11 e 7 coas súas redes correspondentes, banquillos cubertos de estrutura metálica, metacrilato e madeira e picas de saque de esquina con soporte de cucho flexible.

A nova instalación permitirá un uso máis intensivo do campo cun menor mantemento e facilitará as condicións de xogo.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial