займ срочно

O Foro Cívico preocupado polas infraestruturas de Compostela e a bisbarra

0

Compostela, 23 de maio do 2017 – O Foro Cívico Empresarial celebrou un encontro para debater o estado actual das infraestruturas previstas en Santiago de Compostela para o ano 2017.

Os membros do colectivo expresaron de forma unánime a súa preocupación ante o descoñecemento dos proxectos das infraestruturas da cidade e a súa contorna, tras máis dun ano das xuntanzas mantidas cos representantes das Administracións local, autonómica e estatal, onde manifestaron publicamente unha serie de compromisos que aínda non se cumpriron.

Coa finalidade de intervir activa e conxuntamente nos asuntos trascendentais da capital de Galicia, o Foro remite de novo ao Concello de Santiago (Grupo de Goberno e resto de grupos municipais), Consellería de Infraestruturas e Vivenda da Xunta de Galicia e Ministerio de Fomento un escrito no que se solicita formalmente unha entrevista para coñecer os proxectos, o investimento comprometido, o calendario e a situación e evolución real das grandes infraestruturas da cidade. O Concello de Santiago xa confirmou data para reunirse co Foro o vindeiro 1 de xuño. O alcalde, Martiño Noriega, asistirá á xuntanza que se celebrará ás 20:00 horas na Cámara de Comercio de Santiago.

O colectivo quere manter estes encontros informativos para recadar información sobre os proxectos da estación intermodal, orbital, variante de Aradas, autovía Lugo- Santiago (A-54), a estación de carga de mercadorías da Sionlla, a depuradora, o aeroporto ou outros asuntos vitais para Compostela como o desenvolvemento dun plan estratéxico de cidade, o Camiño de Santiago, a cuestión da capitalidade, a convocatoria do Real Patronato da Cidade de Santiago de Compostela, ou a ampliación do Hospital Clínico Universitario de Santiago de Compostela (CHUS), e a nova Facultade de Medicina da USC.

Integran o Foro Cívico Empresarial Cámara de Comercio de Santiago, Universidade de Santiago de Compostela, Asociación de Empresarios de Hostelería de Santiago y Comarca, Fundación Santiago Centro, Real Sociedad Económica de Amigos del País, Fundación Ruta Xacobea de Mar de Arousa e Ulla, Colexio de Avogados de Santiago, Colexio de Economistas, Colexio de Arquitectos, Colexio de Enxeñeiros Técnicos Industriais, Colexio de Enxeñeiros Industriais, Colexio de Procuradores, Asociación do Polígono do Tambre, Rotary Club, Asociación de Antigos Alumnos da USC, Asociación de Periodistas de Santiago, Compostela Solidaria, Vicus Francorum e o Colexio Maior A Estila.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies