Frades, 15 de setembro do 2020 – O Concello de Frades está a colaborar coa dirección do CPI Ponte Carreira na adaptación das instalacións do centro aos protocolos sanitarios fronte á Covid-19.
o concelleiro de Ensino de Frades, Manuel Ferreiro, explica as medidas que se toman “Instalamos un xogos termoplásticos no patio que arranxamos o ano pasado, achegamos dispensadores de xel e puxemos tres persoas a disposición do colexio para que os axudaran a adaptar as instalacións ás esixencias sanitarias e que estarán no centro todo o tempo que sexa necesario”, explica
Ferreiro Marzoa sinala que “a volta ao colexio en Frades está sendo exemplar. A ratio de alumnos e alumnas é moi baixa e dispoñemos de dous edificios, un para a ESO e outro para infantil e primaria. Puxémonos a disposición do colexio e non houbo ningunha queixa nin problemas para cumprir coas medidas do protocolo enviado pola Xunta. Por iso penso que vai funcionar moi ben, ao igual que o fixeron os campamentos de verán”.
Actuacións
Ademais da instalación dos xogos o concello centrouse na colocación de medidas preventivas. Ademais de colocar o vinilo de entrada co nome do colexio, pintou varias zonas de xogo, coa finalidade de que a rapazada poida manter a distancia de seguridade. A maiores, xa dispuxera nas instalacións algúns dos dispensadores de xel hidroalcohólico que colocou nos distintos edificios municipais. Tamén se acometeron actuacións de roza e mellora das zonas verdes do centro.
En 2019, o Concello de Frades investira 30.000 euros de fondos propios na realización de importantes obras de mellora do CPI de Ponte Carreira. Coa colaboración da Xunta de Galicia, procedeuse á habilitación do devandito patio interior e á renovación do falso teito e do alumeado do comedor escolar.
