Frades inicia as obras de mellora dos polideportivos de Ponte Carreira e Abellá

0

Frades, 9 de decembro do 2019 – O Concello de Frades ven de iniciar as obras de mellora dos seus dous polideportivos municipais, emprazados nas localidades de Ponte Carreira (Gafoi) e Abellá, e nos que investirá algo máis de 72.000 euros.

As  obras nos polideportivos  deron comezo esta mesma semana e “estarán rematadas nun prazo aproximado de 15 días, a tempo para acoller sen problemas as actividades propias do Nadal como a cabalgata do vindeiro 4 de xaneiro”, apunta o alcalde Roberto Rey Martínez.

Os traballos comezaron no polideportivo de Ponte Carreira coa retirada das proteccións laterais de madeira, que serán substituídas por uns novos paneis protectores con espuma de polietileno de alta densidade de 2 centímetros de espesor, que cubrirá tanto as paredes como as vigas da instalacións e os piares da entrada, mellorando así a seguridade dos usuarios e usuarias destas instalacións. Para aumentar a seguridade, colocarase tamén unha varanda de aceiro nas escaleiras interiores de acceso.

polideportivos fradesA actuación principal no pavillón de Ponte Carreira será a instalación dun novo pavimento, que substituirá ao actual que se atopa deteriorado debido ao seu intenso uso ao longo dos últimos anos. Así, o actual chan de formigón armado será substituído por un pavimento vinílico indoor multideporte de 2 milímetros de espesor, cun acabado en madeira e reforzado con malla de fibra de vidro, sobre unha capa de espuma de alta densidade. Este novo pavimento permitirá unha maior comodidade aos centos de veciños e veciñas, tanto adultos como crianzas, que practican deporte no pavillón.

As obras inclúen tamén o pintado interior do pavillón e a substitución do alumeado do recinto por uns novos focos de tecnoloxía LED, o que mellorará a calidade lumínica e reducirá o consumo eléctrico desta instalación deportiva. Estas dúas últimas actuacións tamén terán lugar no polideportivo de Abellá, onde se renovará o alumeado das pistas de pádel aló instaladas, que será substituído por novas luminarias LED, e se procederá ao pintado de toda a instalación.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial