Frades adquire 2 dous desfibriladores

0

Frades, 19 de xuño do 2019 _  O Concello de Frades vén de mercar dous desfibriladores para as actividades deportivas que se desenvolven no municipio.

Un dos desfibriladores estará emprazado nas instalacións do campo de fútbol do Vedral (Abellá) e o outro estará durante o verán na piscina municipal e despois nas instalacións da SD Ponte Carreira. Así mesmo porá en marcha cursos de primeiros auxilios para as persoas vinculadas ao mundo do deporte no municipio: equipos de fútbol, socorristas, técnicos, monitores de deporte…

O alcalde de Frades, Roberto Rey Martínez, fixo entrega esta fin de semana dun dos equipos ao SD Abellá, cuxa sección feminina vén de conseguir esta fin de semana o ascenso á Primeira División da Liga Nacional de Fútbol  e cuxo equipo masculino tamén logrou o ascenso á Primeira Rexional. Integrantes dos dous equipos e persoal da piscina municipal de Frades participaron ese mesmo día nun curso de primeiros auxilios e uso do desfribilador. O Concello de Frades organizará un segundo curso en setembro para os integrantes da SD Ponte Carreira.

Os desfribriladores entregados son Zoll AED Plus, un desfibrilador externo semiautomático con tecnoloxía Real CPR Help que permite realizar unha reanimación cardiopulmonar de alta calidade e que inclúe un sensor nas almohadillas que proporciona información ao dispositivo sobre cada compresión torácica. Isto permite que a persoa que practica a reanimación poida saber se o está facendo ben.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial