Roberto Rey, alcalde de Frades: “non pode ser que un mozo do rural pague polo transporte para ir a estudar mentres os das vilas viaxan gratis”

0

As últimas eleccións foron algo agridoces para o alcalde de Frades Roberto Rey. Mantivo a maioría absoluta pero perdendo un concelleiro, o BNG pasou de 3 a 1 concelleiro e o Psoe, impulsado polos resultados nacionais, pasou de non ter representación a conseguir 3 concelleiros.

Roberto Rey alcalde de FradesRoberto Rey recoñece que se viron sorprendidos pola perda do concelleiro. Non contaban con mellorar resultados no contexto actual pero despois de todo considera que non son malos datos

O alcalde móstrase contento do traballo do seu equipo na lexislatura pasada pero non o está cos resultados. A burocracia administrativa, o cambio da lei de contratos entre outras cousas, impediu licitar case medio millón de euros en obras que están agora a piques de comezar

Roberto Rey alcalde de FradesO pasado verán o concello conseguiu rematar unha rede de abastecemento que chega ao 98% da poboación. Para este primeiro ano as melloras nas estradas e en distintas instalacións son algunhas das prioridades

O novo plan de transporte metropolitano contempla a unión das liñas Santiago Ordes Coruña co rural por medio de transbordos. Frades leva reclamando catro anos a integración en este transporte e pide que os xoves que se desprazan a estudar aos núcleos máis grandes teñan o mesmo trato que os que viven no rural

“Non entendemos que haxa mozos que non pagan nada e os do rural teñen que facelo incluso para ir ao instituto”

A Xunta ven de conceder, cunha certa polémica, novas licenzas de extracción de cuarzo a ERIMSA. Rey destaca que a decisión final a toma o propietario dos terreos

Por outra banda a oposición na comarca a instalación de muíños de vento é cada vez maior. Frades non está moi afectado pero o alcalde reuniuse coa consellería de industria en varias ocasións sen que polo momento haxa demasiados datos sobre como será a instalación

“é difícil saber que pasará cos eólicos, polo momento cambiaron os plans varias veces, pero imos presentar alegacións”

Para estes catro anos Roberto Rey ten a vista posta nun proxecto, un novo centro sociocomunitario. Abandonada a idea dun centro de día, xa que os maiores prefiren a atención domiciliaria, este espazo chegaría a toda a poboación e contaría con distintas actividades

Despois da primeira lexislatura na que se presentaba como alcalde, no 2015, ven de renovar o cargo con maioría absoluta, nun contexto político moi complexo e cunha campaña moi tensa; é unha confirmación de que o traballo realizado foi valorado pola veciñanza.

Ao longo do próximo ano e medio celebraranse dúas eleccións cruciais para concellos como o de Frades, estaremos atentos a ver que sucede e como lles afecta.  

Roberto Rey alcalde de Frades

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial