Frades, 28 de xullo do 2020 – O Concello de Frades vén de prohibir a utilización da auga procedente da traída municipal para o enchido de piscina ou a rega de cultivos e xardíns.
A prohibición non se aplicará no caso de mananciais ou pozos propios. A decisión ampárase no artigo 14 J do Regulamento municipal de abastecemento de auga e saneamento de Frades e busca garantir o subministro para uso domiciliario e das explotacións gandeiras.
O Concello decidiu adoptar esta medida debido aos problemas puntuais co subministro de auga en determinadas zonas do municipio; foi unha consecuencia dun mes de xullo especialmente seco e que se complicou cunha avaría, xa solucionada, nunha das bombas de captación do río Tambre.