Este luns comeza a segunda edición de Conecta FICTION, un encontro profesional sobre a creación, o financiamento e a produción de contidos audiovisuais para televisión. Naceu coa intención de servir de ponte, e mercado, entre Europa e toda América. Na primeira edición, o ano pasado, conseguiuse un éxito de participación superando amplamente as previsións que se tiñan.

Na edición 2018 incorporase o Conecta FICTION FEST, un festival pensado para mostrar contidos ao público en xeral e engadir un apartado máis lúdico ao encontro. Lindeiros falou coa directora de Conecta FICTION, Geraldine Gonard, para coñecer como se valoran os resultados da primeira edición e que nos ofrece este segundo encontro.

Geraldine naceu en Burdeos aínda que a súa carreira profesional desenvolveuse sempre en España. Incorporouse á industria audiovisual a finais dos 90. Pasou por distintos postos e no 2016 fundaba a súa propia empresa, Inside Content, que se dedica a búsqueda de financiamento para coproducións internacionais e a distribución de produtos audiovisuais. Comezamos preguntando pola primeira edición de Conecta FICTION que resultou un éxito de participación e serviu para descubrir a necesidade dun encontro de estas características.

A edición do 2018 aproveita a experiencia do primeiro encontro para proporcionar aos profesionais un lugar no que establecer alianzas e acordos, trátase máis de crear que de vender

Gonard explica que a industria europea vive un dos seus mellores momentos, sempre se exportou produción pero nunca tanta como na actualidade e nunca con tanto talento e calidade como a que teñen os contidos de hoxe en día

A finais da semana comezará Conecta FICTION FEST, un evento aberto ao público xeral que complementa a parte profesional. En esta primeira edición haberá talleres, presentacións e maratóns de series. É un festival pensado para a cidade e para disfrutar de produtos pensados para televisión en pantalla grande

Conecta FICTION FEST é tamén unha oportunidade para que os máis xoves poidan saber un pouco máis co que se van atopar si é que deciden dedicarse a esta industria

Para Geraldine Gonard Conecta FICTION é tamén unha oportunidade para reunir a moitos profesionais cos que traballou ou coincidiu ao longo da súa dilatada traxectoria

Aproveitamos ese coñecemento da industria e dos que traballan en ela para saber si son tan difíciles de manexar ou é máis ben unha visión que se ten desde fora

Para rematar pedímoslle que nos recomende algunha serie co que a metemos nun compromiso porque na actualidade hai moito e moi bo

Geraldine Gonard ten un carácter resolutivo, a imaxe de tranquilidade que transmite esconde unha mente en constante movemento que domina a perfección o mundo da produción e coñece todos os recunchos da industria. Baixo a súa dirección Conecta FICTION estase a converter nunha cita que engadir a axenda de Compostela e agora, co Conecta FICTION FEST, un reclamo máis que engadir para os que queiran visitar a cidade.

 

Algúns dos profesionais da primeira edición de Conecta FICTION con Geraldine Gonard

Algúns dos profesionais da primeira edición con Geraldine Gonard

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies