Ordes, 2 de xullo do 2018 – Ordes ven de pechar o cartaz das Festas Patronais que se celebrarán na vila do 14 ao 17 de agosto, organizadas pola Asociación Cultural e de Festexos
As Festas Patronais abriranse co festival Sons de Ordes. A música rock e pop dos anos 80 e 90 é o eixe central de esta cita. Actuarán Dani Royo & Verson´s band que servirán de teloneiros as estrelas da noite, Heredeiros da Crus, toda unha referencia no que se dou en chamar rock bravú.
Para o día grande, o 15 de agosto, o ambiente de orquestra inundará Ordes grazas ás actuacións de Palladium e da Orquestra Principal. Por suposto non faltará a misa solemne seguida da procesión, na que sempre participan centos de veciños e veciñas acompañando á imaxe da santa polas principais rúas do pobo.
A Noite Folk está reservada para o 16 de agosto. Este ano o cartel compóñeno dous grupos fundamentais dentro da música tradicional galega, as pandereteiras Leilía e os vigueses A Roda.
Para pechar as festas o día 17 están confirmadas as actuacións das orquestras Olympus e Ceniza.