Infancia 3G

0

Desde hai uns meses a miña filla lémbrame con insistencia que aos seus amigos regálan ou regalaronlles un smartphone pola Primeira Comuñón. Así que ela, que ten uns papás ultratecnolóxicos, vai camiño de ser a rariña da clase (e en breve, de todo o cole) que non ten, non xa un teléfono, senón un smartphon coa súa tarifa de datos e demais equipación.

Fai xa un par de anos que o agasallo estrela das primeiras comuñóns (e reis, e aniversarios, e…) é un teléfono intelixente. Cao súa conectividade 3G, como mínimo, en calquera momento e lugar. Coa connivencia, faltaría máis, das empresas de telefonía móbil, que mostran os mesmos escrúpulos que calquera traficante.

Ilustración de Jorge del Oro

Ilustración de Jorge del Oro

Se hai uns anos a mente infantil amparábase até extremos ridículos, mentres os perigos físicos derivados propios da infancia considerábanse lances do xogo, agora a tortilla deuse a volta á española. Nun mundo no que as randeeiras protexense ata o absurdo para evitar un brazo roto, expomos as mentes dos nosos infantes a perigos que nin coñecemos.

Porque un smartphone non é un teléfono. É unha cámara de fotos, e de vídeo, e unha gravadora de audio, e un computador persoal avanzado con máis potencia que todo o programa Apolo, con conectividade 24/7 a calquera lugar do planeta, nas mans dun rapaz de 9 anos. O perigo non son as chamadas, nin o SMS ou MMS, controlables mediante a factura. O quid do asunto está na conexión de datos, que permite navegar e usar redes sociais sen molestias, a uns nenos que, nin por idade nin, espero, por vivencias, teñen aínda unha idea clara de como funciona o mundo.

Das compañías de telecomunicacións, ese reverso tenebroso dos supertacañóns, falamos outro día, bile mediante. Hoxe falaremos das familias que se lanzan a este vórtice sen un criterio de contraste sopesado.

Quero crer que quen regala un smartphone a un rapaz de 9 anos ( ou de 10, ou de 11) non é consciente, en realidade, do que pode facer un móbil actual. Cre que o móbil son 3 ou 4 grupos de whatsapp, mirar o correo electrónico, revisar o tempo, e, talvez, botarlle un ollo ao Facebook. Non sabe que a idade mínima para que un rapaz poida decidir sobre os seus propios datos persoais ou sobre a súa propia imaxe son os 14 anos, razón pola cal ningún neno menor desa idade pode ter Facebook, nin Twitter, nin Instagram, nin conta de Google/Gmail/Youtube. E os menores de 16 anos usan Whatsapp só se están emancipados ou con consentimento paterno (ou sexa, que os pais somos responsables do que fagan).

Non sabe que a simple instalación de certas aplicacións supón o alta en servizos de tarificación adicional que xerarán cuantiosas facturas a final de mes.

Non sabe que pode navegar comodamente por toda a rede como o faría nun computador e que os únicos obstáculos que atopará son os deseños web arcaicos que unicamente protexen contra contidos obsoletos.

Cren que cedendo á presión social e regalando un móbil os seus fillos estarán máis integrados, pero o certo é que tamén estarán máis expostos a un mundo de abusos sen control.

Non se trata de ser a Sra. Scrooge da telecomunicación. Faltaría máis. Son firme defensora do uso de tablets na escola e de que os nenos teñan acceso a esta ferramenta. E aquí hai unha serie de matices crave. Unha tablet non é un móbil, conéctase mediante WiFi, o que a volve máis controlable. Quen ten o router ten a tixola polo mango. Unha tablet ten un certo tamaño, polo que talvez non a leven a todas partes e comeranse antes a batería. Unha tablet dálles acceso ao mundo, pero non campan ás súas anchas de modo indiscriminado.

Se o que quere é que teña a posibilidade de contactar con Vd (ou viceversa ) comodamente porque as circunstancias así o aconsellan, probe a darlle un móbil sen datos, que permita chamar e enviar mensaxes. Algo sobradamente testeado, controlable, e que cumpre a súa función.

Cando demostrase que é cabal no uso da tablet e as chamadas de teléfono será cando poida ir dándolle maiores responsabilidades. Aos poucos. Aprender a ser cidadán dixital é un proceso que non termina nunca.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies