Rianxo, 14 de outubro do 2020 – Esta semana comezaron as obras de instalación dun ascensor na Clínica Vella de Rianxo.
A obra foi adxudicada por un importe de 55.465 euros. Forma parte do Plan Único da Deputación e conta tamén con financiamento do concello de Rianxo.
A Clínica Vella de Rianxo é unha vella edificación que acollerá servizos municipais e o Instituto Social da Marina. O ascensor resolverá os problemas de accesibilidade que os usuarios de estes servizos tiñan.
A obra, cun prazo de execución de 3 meses, dará servizo a tres andares de xeito independente e desde o exterior do edificio.