Joel Souto faise co Slalom de Touro

0

Touro, 9 de setembro do 2018 – O piloto Joel Souto, da escudería Desguaces Tino Racing , foin onte sábado o gañador do XX Slalom Concello de Touro.

Joel Souto Gañou a proba conducindo un Peugeot 106 S16 e cun tempo de 1.39.931. O subcampeón foi Fracisco Pico López (coche número 11), cun tempo de 1.41.911. Este piloto da escudería Automovil Club As Pontes utilizou un Citroën AX. O terceiro posto foi para Manuel Trevín Rego (coche número 1), da escudería Senra Sport, cun tempo de 1.42.874. Utilizou un BMW Compact.

Joel Souto, primeiro clasificado

Este ano non acudíu á cita de Touro o piloto Manuel Souto Paderne, que nas dúas citas anteriores fíxose co primeiro lugar. A proba foi moi disputada e emocionante. Os pilotos que representaron a Touro Motor acadaron unha boa clasificación. Edgar Caride, con un Peugeot 206, quedou en octava posición. O noveno foi Iván Mareque, con un Peugeot 106 S16. Rubén Brea situouse no décimocuarto lugar. Utilizou un Citroën Saxo. E David González, tamén cun Citroën Saxo, acadou o décimooitavo lugar.

Francisco Pico López, segundo clasificado

Centos de persoas disfrutaron durante todo o día dunha proba automobilística nun día soleado e con boa temperatura. O circuíto urbano de 1,7 quilómetros sobre asfalto instalouse como é habitual nas rúas de Fonte Díaz, capital do municipio. O Slalom estivo patrocinado polo Concello de Touro e a organización da proba levouna adiante a escudería Touro Motor, unha das firmas máis activas do panorama automobilístico en Galicia. O seu presidente, Ramón González, destacou a afluencia de público e de pilotos e agradeceu tamén o apoio dos voluntarios que participaron na organización.

O do coche número 6 foi un dos abandonos que se produciron

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial