O concello de Lalín firma un convenio coa Asociación de Empresarios do Deza, AED

0

Lalín, 9 de decembro do 2017 – O alcalde de Lalín, Rafael Cuíña, e o concelleiro de Comercio e Emprego, José Manuel Fernández, asinaron esta mañá o convenio de colaboración coa Asociación de Empresario de Deza, AED para desenvolver un programa de promoción do comercio.

En virtude deste acordo, o Concello realiza unha achega de 35 mil euros en concepto de subvencións nominativas para a realización das diferentes actuacións recollidas nesta iniciativa. Por parte da agrupación empresarial estiveron presentes na rúbrica o presidente da AED, Antonio Lamas, e a secretaria, María Jesús García.

O rexedor afirmou que “o Concello de Lalín está en números absolutamente históricos de colaboración coa AED”, lembrando que ademais desta aportación económica o Concello xa financiou o ano pasado con 26 mil euros un estudo de comercio para sentar as bases da estratexia do comercio e o urbanismo en Lalín de cara o futuro.

Así mesmo, aos 35 mil euros que xa están a disposición da AED, hai que sumarlle outros 25 mil que, como adiantou o alcalde, serán entregados nos primeiros meses de 2017, dando cumprimento ao convenio e establecendo unha axuda total de 60 mil. Esta achega servirá para poñer en marcha un completo programa de actividades en aras de potenciar e dinamizar a actividade do comercio local. Esta programación será deseñada practicamente na súa totalidade pola AED, non obstante, foi creada unha comisión de seguimento mixta, que servirá para supervisar o desenvolvemento das diferentes iniciativas.

O alcalde de Lalín, Rafael Cuíña, salienta que “a aprobación deste convenio supón unha nova mostra do decidido e inequívoco apoio ao sector empresarial e comercial de Lalín que está a demostrar o Goberno municipal dende o inicio de mandato”. Nesta liña, o rexedor salienta que “con estes 35 mil euros de axuda xa se está a multiplicar por sete a cantidade coa que habitualmente se subvencionaban as accións da Asociación de Empresarios de Deza”. O rexedor tamén destacou que o comercio de Lalín “é un comercio de moita calidade, que está repuntando con aperturas como non había nos últimos anos e que con acordos coma este seguimos axudando a medrar”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial