Compostela, 20 de agosto do 2017 – O Aeroporto de Santiago, Lavacolla, acaba de certificarse de acordo coa regulamentación da UE, acreditando, desa maneira, o cumprimento da nova normativa comunitaria sobre seguridade operacional nos aeródromos de uso público.
A consecución deste certificado, co que culmina un proceso que requiriu un intenso traballo, avala a aptitude da infraestrutura e o seu persoal para xestionar operacións de transporte aéreo de conformidade coas normas técnicas de deseño e operación recollidas no Regulamento UE 139/2014.
A certificación implica melloras en seguridade operacional e o cumprimento de estándares técnicos internacionais. Ademais, avala a vixencia da nova normativa en todas as súas instalacións, sistemas, equipos, servizos e procedementos.
Con este documento, expedido pola Axencia Estatal de Seguridade Aérea (AESA), o Aeroporto de Santiago dá un paso máis na seguridade operacional e o cumprimento dos estándares técnicos internacionais.