Lalín, 25 de febreiro do 2019 – Previsións máis que cumpridas cos máis de 60.000 participantes na 51º edición da Feira do Cocido de Lalín, celebrada este domingo.
A Feira do Cocido é moito máis que gastronomía e a xornada comezou coa entrega do premio Aldea Singular. Este ano foi Doade a que recibiu o galardón e os parabéns do Conselleiro de Cultura, Román Rodríguez, a presidenta da Deputación de Pontevedra, Carmela Silva, e o alcalde de Lalín, Rafa Cuíña, que gabaron o traballo dos veciños en cada intervención.
Das aldeas ao pregón que correu a cargo do xornalista Xavier Fortes que comezou lembrando a persoeiros e persoaxes da vila como o astrónomo Ramón Aller, o matemático José Rodríguez González, o escritor Neira Vilas. ou o piloto Joaquín Loriga. De seguido lembrou tamén a tres pintores referentes no só na via se non en Galicia, Laxeiro, Colmeiro e Sucasas. Fortes remataba explicando a razón de porque en Lalín hai tanto talento “en Lalín gardan dende os tempos inmemoriais das lareiras unha receita da que sacan a súa forza e tesón. O caldo e o cocido son a súa poción máxica”.
A maña rematou, antes da comida, co concurso de carrozas que este ano gañou a parroquia de Sello. Unha edición máis que remata pensando xa na do ano que ven.