Bisbarra, 21 de outubro do 2020 – A situación empeora en xeral, Sanidade eleva o nivel restricións e os casos de Covid nos centros educativos da Área Sanitaria crecen en 19 desde o último informe oficial.
O Comité Clínico decidiu que toda Galicia pase a nivel 2 de alerta, máximo de 5 persoas en reunións, e Santiago e Milladoiro ao 3, só conviventes. As restricións chegan a hostalería que ve reducido o aforo ao 50 %. Estas medidas entran en vigor desde a próxima madrugada.
Máis casos nos colexios
A situación nos colexios é preocupante xa que si o pasado xoves falabamos de 75 casos nos centros educativos da Área Sanitaria, os datos oficiais proporcionados son 94.
A EI A Madalena, en Ames e Manuel Peleteiro e Compañía de María en Santiago teñen 5 positivos. O IES Pontepedriña e o Arcebispo Xelmirez en Santiago, O IES do Milladoiro e o Rodríguez Castelao en Ordes, teñen 4 casos de Covid. La Salle en santiago baixa a 3 positivos e o resto, ata os 94 están en distintos lugares da bisbarra con 2 ou 1 positivos.
Máis amarelos e laranxas
No mapa de cores co que Sanidade informa dos niveis nos concellos tamén hai novidades. Seguen en vermello Santiago, Ames e Ordes pero no nivel laranxa (entre 14 e 21 casos nos últimos 7 días) ademais de Teo e Mesía está A Estrada. No nivel amarelo (entre 7 e 14 casos nos últimos 7 días) atopamos a Rois, Muros e Ribeira (baixan a verde Vedra, A Baña e Boiro) e incorpóranse Brión, Noia e Oroso. Quedando o resto de concellos da Área Sanitaria por debaixo de esas cifras.