Ordes, 17 de xullo do 2017 – Este vindeiro xoves, 20 de xullo, ás 18 horas, terá lugar nos baixos da alameda de Ordes unha charla sectorial informativa sobre o cooperativismo no sector téxtil.
A charla está dirixida a todas as persoas interesadas, desempregadas, emprendedoras, así como a institucións públicas ou privadas e a asistencia será de balde. As inscricións previas poderanse facer telefonicamente no 981680002, ou ben a través do correo electrónico ofc@mancomunidadeordes.gal.
A charla sobre cooperativismo pretende dar resposta a moitas das cuestións a profesionais do sector afectados polos despedimentos e reestruturación acontecidas ao longo da comarca, e especialmente na vila de Ordes. Entre os obxectivos a cumprir están os de ofrecer unha saída laboral a aqueles que queiran constituírse baixo o réxime cooperativista. Este encontro está organizado pola Mancomunidade de Ordes; Eusumo, cooperativismo e economía social e a Xunta de Galicia.