Ordes, 4 de xuño do 2019 – Manolo Regos, un histórico da política ordense para ven e para mal, ven de anunciar que deixa esta actividade tras o fracaso electoral.
Manolo Regos foi unha constante nas eleccións locais de Ordes desde hai moitos anos, contábamos a súa traxectoria cando anunciaba que se presentaba de novo á alcaldía da vila. Tras non conseguir os obxectivos de gobernar ou ser polo menos chave decide abandonar a actividade política o que fai público tras comunicarllo na fin de semana aos seus compañeiros de UXO.
Na misiva Regos diríxese aos compañeiros para dicir que ” son o mellor que teño e que terei nunca, e porque dende o primeiro ata o último día me apoiaron incondicionalmente, a eles quería agradecerlles de corazón todo o esforzo, sacrificio e o cariño que tiveron conmigo en todos e cada un dos malos momentos que pasamos ó longo destes máis de 30 anos.”
Tamén ten palabras para os veciños “Non quería deixar pasar a ocasión para agradecer ó pobo de Ordes a oportunidade que me brindou de ser alcalde do meu pobo. Foi unha tremenda honra que nunca olvidarei, sendo esta unha das etapas máis fermosas da miña vida. Dou un paso a un lado, pero seguirei sendo ese veciño do campo da feira que estará a vosa disposición para o que precisedes”.
Regos despídese finalmente asumindo os errores cometidos ao longo de estes anos “Quero despedirme pedindo disculpas polos errores que puiden cometer. O meu único obxetivo foi representar o meu pobo coa maior humildad, lealtad e respeto hacia todos os veciños e veciñas de Ordes. Sempre traballei coa intención de mellorar no posible a calidade vida de todos vós”.
Quedan 3 concelleiros de UxO que terán que poñer a base para unha nova formación coa que afrontar o papel de oposición asignado nas recentes eleccións.
