Melide, 22 de marzo do 2021 – O concello de Melide ven de adherirse ao programa de formación “Camiños de Coñecemento e Experiencia” impulsado desde a Universidade de Santiago.
O programa que se seguirá en Melide está dirixido a persoas maiores de 50 anos. Trátase dun espazo de encontro e formación entre a USC e o concello, a través do cal os participantes desfrutarán da aprendizaxe en distintas área de coñecemento, como son o ámbito da historia, a música e o medio ambiente.
A formación desenvolverase en sesións de noventa minutos no Edificio Multiusos de Melide, en horario de tarde de 16:30 a 18:00h, impartíndose sesión expositivas, interactivas así como sesión prácticas que se concretan en visitas e concertos.
O proxecto celebrarase en Melide os días 7,9, 12,13,14 e 15 do próximo mes de abril.
Achegar ao alumnado ás fontes fundamentais que o historiador emprega á hora de investigar e “construir” a Historia, a importancia do mundo artístico musical e identificar as repercusións do cambio climático son algunhas das temáticas a tratar.
As persoas interesadas poden inscribirse no Concello de Melide, en horario de 09:00h a 14:00h ata o vindeiro 31 de marzo.