Melide, 9 de xaneiro do 2019 – O concello de Melide decidiu arranxar un tramo do Camiño de Santiago, pese a ser de competencia autonómica, polo mal estado no que se atopa.
Trátase do tramo de Santa María no que o Camiño de Santiago está cheo de profundos baches que dificultaban o acceso dos veciños as vivendas.
A actuación é de urxencia xa que prolongouse nos últimos meses sen que se tomaran medidas pese as chamadas realizadas a Xunta de Galicia.
O goberno municipal de Melide, tomou a decisión de destinar cartos das arcas públicas para poder subsanar os baches existentes e mellorar así a calidade de vida dos veciños da zona.
Dende o Consistorio o apuntan que “pese a non ser competencia municipal o mantemento do Camiño de Santiago, senón que é autonómica, vímonos na obriga de actuar polo calamitoso estado deste firme. Dende a Mancomunidade de Concello do Camiño de Santiago, da que formamos parte, xa lle requirimos á Xunta de Galicia o arranxo destas deficiencias en setembro, pero non obtivemos resposta”.
