Melide, 7 de abril do 2020 – ASETEM, a asociación que agrupa aos empresarios de Melide traballa nas redes sociais para manter a clientela en tempo de confinamento.
Son dúas as campañas que teñen en marcha os empresarios melidenses para promover o comercio local. A primeira delas é propia e desenvólvese a través do hashtag #mercareienmelide. Os usuarios que desexen participar poden subir un vídeo, unha imaxe, un poema ou calquera cousa aos seus propios perfís facendo referencia ao primeiro que van mercar en canto remate o confinamento.
Por outra banda, segue en marcha ata o 12 de abril outra actividade en conxunto coa Asociación Galega de Xerencias de Centros Comerciais Abertos, da que falamos en Lindeiros hai uns días.
En ambas accións os gañadores recibiran 50 en vales de compra para usar unha vez finalice o estado de alarma. ASETEM quere lembrar que pese a que este período pasará en breve, é imprescindible a vontade de todas as persoas para que sigan confiando nos establecementos máis próximos “O consumo de proximidade precisará de todas as persoas para que volva a ser o motor de concellos e comarcas; o comercio local ten que ser a punta de lanza da recuperación económica e social que está por vir, e que grazas á axuda dos clientes, pasados e futuros, volverase a poñer en marcha a maquinaria”.